Почитувани граѓани,

Согласно член 29 од Законот за даноци на имот (“Службн весник на Р.Македонија“ бр. 61/04, 92/07, 102/08, 35/11 и 53/11) ве известуваме дека:

1. Обврзникот на данокот на имот е должен да поднесе даночна пријава до 31 јануари во годината за која се врши утврдување на данокот.

2. Обврзникот на данокот на имот од ставот (1) на овој член кој поднел даночна пријава нема обврска за истиот имот да поднесе нова пријава, доколку нема промени на податоците содржани во претходно поднесената даночна пријава, а кои се од влијание за висината на даночната обврска.

3. За имотот што го стекнува или почнува да го користи во текот на годината или ако по некој друг основ настанува даночна обврска, обврзникот е должен да поднесе даночна пријава во рок од 15 дена од денот на стекнувањето на имотот, или од отпочнувањето на користењето на имотот, односно од настанувањето на даночната обврска.

4. Пријава од ставот (1) на овој член се поднесува до општинската администрација, администрацијата на општините во градот Скопје и до администрацијата на градот Скопје каде што се наоѓа имотот.

За дополнителни информации обратете се во Општина Гази Баба, Барака бр.5 - оделение за даноци или на тел. 02/ 3222-876.

Ви благодариме на соработката