Companies in MGB Business info centar | Invest in mgb  | Стратегии, Програми, Проекти

Информација за изградба на водоводна мрежа во н.м. Раштак

                                                          

 

     

 

Почитувани граѓани,

Ве известуваме дека во периодот од  25.11.2019год.  до 31.03.2020год.  ќе се изведуваат градежни работи на локацијата н.м. Раштак . Работите ги изведува фирмата  А.Д. Енергомонт а инвеститор е општина Гази Баба, со цел подобрување на квалитетот на животот на месното население.

Ве молиме за разбирање и соодветно прилагодување од ваша страна за потребите на брзо и навремено спроведување на градежните работи.

За дополнителни информации / прашања, Ве молиме да се обратите кај Светислав Апостолов контакт тел.070/240-446 , од општина Гази Баба. 

Со поддршка на Владата и на Светска банка обезбедивме техничка документација за изградба на патишта

 

  Општина Гази Баба, со поддршка на Министерството за финансии и Светска банка доби техничка документација за реконструкција и изградба на патна инфраструктура во населените места Хиподром, Ќерамидница и Синѓелиќ.

Со изготвената проектна документација, клучните улици “Никола Киров Мајски”, “Пехчевска” и “Жан Жорес”, во Хиподром, потоа улицата пред основното училиште „25-ти Мај“ во Ченто, како и улица 515 во населба Ќерамидница, ќе добијат целосно нов лик, во целосна должина од 3 километри.

Според градоначалникот на општина Гази Баба, Борис Георгиевски населбата Хиподром 2 добива целосна патна инфраструктура, која ќе ги поврзе новиот и стариот дел, проблем кој чекаше подобро утро повеќе од 16 години.

    • Сега граѓаните нема да имаат потреба да се движат со километри за да стигнат од еден до друг дел на населбата со што ќе им се овозможи на жителите директно поврзување на двете населби, со што ќе претставуваат една инфрастуктурна целина. Посебно сум горд што децата кои живеат подалеку од ООУ “Вера Јоциќ” повеќе нема да имаат потреба да патуваат со километри за да стигнат до училиштето. Исто така за жителите кои го користат јавниот превоз, лесно ќе биде достапна последната постојка на автобуската линија 50, а побрзо ќе стигнуваат и до трговскиот центар. Едноставно, сега граѓаните лесно ќе можат да циркулираат низ сопствената населба. Особено сум среќен што конечно новата населба Хиподром 2 ќе се поврзе со останатиот дел од населбата Хиподром 1 и што побргу ќе се приклучуваат до центарот на градот, проблем кој тлееше речиси 2 децении. Со овој проект се става крај на отсечените населби едни од други кои чекаа нивно поврзување речиси 2 децении. Со ова, секој ќе може да стигне до посакуваната дестинација во својата населба брзо и ефикасно, рече Георгиевски.

 

17.01.2020

Општина Гази Баба спроведе акција за пошумување на Скопска Црна Гора, засадуваме 15.000 багреми

 

  Општина Гази Баба води сметка за животната средина и за заштита на ерозивните подрачја на своја територија. Во Страчинци се засадуваат 15.000 багреми. Ова место е одбрано за оваа акција затоа што според студијата за ерозија која ја направивме како општина со експертите од Шумарскиот факултет, Страчинци заедно со населените места Раштак, Булачани, Црешево, Виниче и Брњарци, спаѓаат во едни од најкритичните ерозивни подрачја во општината.

- Затоа засадуваме багреми, кои лесно се зафаќаат како дрвја и кои ја собираат водата од почвата и прават заштита за идните поголеми количества на вода од дождовите кои што можат да бидат причина за ерозија на почвата, особено на вакви суводолици. Со ова, во иднина ќе се спречи создавање на елементарни промени на почвата од големите количества на вода кои носат големи ерозивни наноси кои предизвикуваат големи штети. Оваа акција е од големо значење за овој регион кој е суводолица токму поради бесправната и дива сеча која во последните 10 години има се поголем замав на Скопска Црна Гора. Од друга страна, овој регион неколку пати беше зафатен од пожари во летниот период со што значително го збогатуваме шумскиот фонд, рече градоначалникот Георгиевски.

Целта е да се спречи водната ерозија во овој регион и никогаш да не се дозволи да се повтори катастрофалната поројна поплава која се случи во август, 2016 година, во која најзасегнати беа токму овие села во подножјето на Скопска Црна Гора.

    • Во изминатите 2 години извршивме чистење на речните корита во Црешево, Виниче и Страчинци каде што се чистеа каскадните постави на каналите се со цел да се ублажи големото количество на вода од овие пределени како и да нанесе штета. Заедно со краткорочните мерки кои предвидуваат чистење на каналите и пошумување, како долгорочна мерка општина Гази Баба изработи нов основен проект за нов ободен канал кој што предвидува да ги собере сите речни корита и суводолици почнувајќи од поројните реки кои доаѓаат од атарот на село Црешево, Виниче, Страчинци и Брњарци, за да на крај се влее во ододниот канал и не дозволи да направи штета на инфраструктурата земјоделието и како што беше случајот во 2016 година по поплавата.

Општина Гази Баба и Владата преземаат конкретни мерки за заштита на животната средина, но граѓаните мора да вклучат во одржувањето на околината околу себе затоа што секој наш труд нема да исплати доколку жителите и понатаму ги сечат дрвјата кои ние ги садиме, да ги полнат каналите кои ние ги чистиме и намерно да предизвикуваат пожари само за свои цели. Колку повеќе се вклучиме во чувањето и одржувањето на животната средина, толку повеќе ќе ја имаме, од нас зависи, посочи градоначалникот на општина Гази Баба.

Акцијата за пошумување ја поддржаа Претседателот на РСМ, Стево Пендаровски, министерот за земјоделство, шумарство и водостопанство, Трајан Димковски, заменик - министерот за животна средина и просторно планирање, Јани Макрадули, Дејан Павлески, заменик – министер за локална самоуправа, од ЈП Национални шуми, спортисти, волонтери, акцијаши и граѓани.

19.12.2019 

Политика на квалитет

Ревизорски извештај

Слободен пристап до информации

Top
We use cookies to improve our website. By continuing to use this website, you are giving consent to cookies being used. Cookie policy. I accept cookies from this site. Agree