Companies in MGB Business info centar | Invest in mgb  | Стратегии, Програми, Проекти

Општина Гази Баба реши децениски проблем, предлагаме изградба на ново подрачно училиште во Идризово

 

      Општина Гази Баба изнајде ефикасно решение за проблемот со кој што се соочуваат родителите и учениците од ООУ Његош, повеќе од 20 години. На денешната средба со претставници на родителите предложивме изградба на ново подрачно училиште во населеното место Идризово, со што трајно се решава проблемот на децата. Постојниот капацитет на ООУ “Његош” во Јурумлери, нема ниту кадровски ниту просторни услови за да овозможи соодветен одговор на барањето од родителите за отворање на нова паралелка. Токму затоа сметаме дека најдоброто решение во интерес на учениците е изградба на ново подрачно училиште на ООУ Његош во Идризово.

- Површината и земјиштето е во сопственост на општина Гази Баба. Општината ќе изготви елаборат и основен проект кој што ќе го достави до Министерството за образование со тоа што ќе овозможиме услови децата да изучуваат во исто училиште од прво до деветто одделение и со тоа ќе ставиме крај на деценискиот проблем кој што се провлекува преку 20 години. Ние како општина имаме исклучително добри искуства во подрачјето на училишта и на одвивањето на наставата на албански јазик како што е ООУ 25 Мај, кое има свои подрачни училишта, потоа подрачното училиште на ООУ Кирил и Методиј во Страчинци. Ова ќе биде трето основно училиште каде ќе се изучува албанскиот јазик, изјави градоначалникот Георгиевски. Градоначалникот Георгиевски посочи дека предлогот за изградба на подрачно основно училиште ќе биде презентиран и пред родителите на средба која ќе се одржи оваа сабота со почеток од 17 часот. На средбата родителите и учениците ќе бидат детално запознаени со предлогот, кој нуди трајно решение на ова прашање.

- Нашата обврска е да ги доставиме сите потребни документи од страна на општината до МОН, тие според стандардите и условите е должни во најкус временски рок да ги овозможи сите услови за изградба со што од темел би било изградено во Идризово. На тој начин ќе имаме најмалку 4 до 5 кабинети за изучување на наставата, плус наставничка канцеларија и нова опрема, изјави градоначалникот Георгиевски. Општина Гази Баба во овој период додека се подготвува документацијата, но и процесот на градба за подрачното училиште во Идризово, презема обврска од сопствени средства да го организира превозот на учениците до училиштата каде сега ја следат наставата.

 

Линк од Youtube Општина Гази Баба реши децениски проблем, предлагаме изградба на ново подрачно училиште во Идризово.


 

 26.09.2018 

Продолжува реализацијата на проектот "Катче за чиста вода" во училиштата и градинките во Гази Баба

Продолжува реализацијата на проектот "Катче за чиста вода" во училиштата и градинките во Гази Баба

Општина Гази Баба и оваа година продолжи со праксата за грижа за здравјето, растот и развојот на децата со вградување на системи за филтрирање на вода за пиење во основни училишта и градинки на територија на општина Гази Баба. И оваа година општина Гази Баба издвои 600.000,00 денари за опремување на Катче за чиста вода. Пултот за чиста вода содржи вграден филтер за вода (реверзна осмоза) со минерализатор, садопер со чешнички за точење, картолини и постери креирани од слогани од интерактивниот час со децата. Монтирани се филтри за прочистување на вода во ООУ „Крсте Мисирков“, ООУ „Григор Прличев“, ООУ „Наум Наумовски Борче“ и објектите на градинките Калинка, Сончоглед и Детелинка .

По инсталирање на секое ова катче, од страна на тимот на Бентен Пан и представници од општина Гази Баба, ќе се организираат и едукативни часови на тема чиста вода.


 

09.10.2019 

Учениците од основните училишта добија едукативни часови на тема „Чиста вода“

 

      По инсталирање на системите за филтрирање на водата за пиење со минерализаторво три основни училишта (О.У. Крсте Мисирков, О.У. Григор Прличев и ОУ Н.Н.Борче) и три објекти на градинки во општина Гази Баба (Сончоглед, Детелинка и Калинка), од страна на тимот на Бентен Пан и представници од општина Гази Баба, беа организирани и едукативни часови на тема чиста Вода.

    Во зависност од возраста на децата кои присуствуваа на овие часови беше дискутирано за важноста на чистата вода во нивниот живот. 

    Кај повозрасните деца беше презентиран техничкиот опис на системот за прочистување на водата, за реверзна осмоза како најсовремена технологија во моментот за прочистување на водата за пиење. 

    Дружењето со малите деца беше посебно искуство. Препознавајки ги својствата на загадената и нечиста вода, заклучија дека дека секоја чиста вода нема мирис, вкус и боја. Сите се согласија дека пиењето на чиста вода е најздравиот напиток за нивниот правилен раст и развој, и дека создавањето на здрави навики е безценето. Часовите завршуваа со песни за водата и весела детска игра.

    Задоволството беше  големо, кога децата со нетрпение чекаа ред да пробаат чаша чиста вода.

 

19.09.2019 

Политика на квалитет

Ревизорски извештај

Слободен пристап до информации

Top
We use cookies to improve our website. By continuing to use this website, you are giving consent to cookies being used. Cookie policy. I accept cookies from this site. Agree