|
Советот на Општина Гази Баба е претставничко тело на граѓаните на општината.
Тој е највисок орган на одлучување во рамките на правата и должностите на општина Гази Баба.
Има 27 членови, кои се состануваат на редовни, вонредни и свечени седници. Советот има свој деловник, со кој подетално се уредени начинот на работа, постапките на одлучување и другите акти кои се однесуваат на другите органи на општина Гази Баба.
Во согласност со Статутот на општина Гази Баба, Советот на ОГБ ги има следните надлежности:
- Го донесува статутот на општината и други прописи;
- Донесува буџет на општината и годишна сметка на општината;
- Ја утврдува висината на сопствените извори на приходи за финансирање на општината, во рамките утврдени со закон;
- Основа јавни служби во рамките на надлежноста на општината и врши надзор над нивната работа;
- Именува членови во управните одбори на јавните служби, кои ги основа;
- Усвојува програми за работа и финансиски планови за финансирање на јавните служби, кои ги основала општината;
- Ги усвојува извештаите за извршување на буџетот и годишната сметка на општината;
- Одлучува за давање дозвола за вршење дејност од јавен интерес од локално значење, во согласност со закон;
- Ги усвојува извештаите за работата и годишните сметки на јавните служби, кои ги основала општината;
- Одлучува за начинот на располагање со сопственоста на општината;
- Одлучува за начинот на вршење на финансиска контрола на буџетот на општината, во согласност со закон;
- Го избира лицето кое раководи со подрачната единица на Министерството за внатрешни работи во општината, во согласност со закон;
- Го разгледува и усвојува годишниот извештај за јавната безбедност на подрачјето на оpштината, кој го доставува до министерот за внатрешни работи и народниот правобранител;
- Може да дава препораки на раководното лице на подрачната единица на Министерството за внатрешни работи од областа на јавната безбедност и безбедноста во сообраќајот и
- Врши и други работи утврдени со закон.
Советници
Комисии
|
|
|
|
СОВЕТ НА ОГБ |
