Општина Гази Баба започна со обуки на вработените кои наскоро ќе ја користат ВЕБ ГИС апликацијата за автоматско генерирање на изводи од план согласно законските рамки со сите потребни информации и атрибути за една градежна парцела.

ВЕБ ГИС апликацијата “Мап Навигатор” ги опфаќа сите важечки планови на територијата на општината и овозможува транспарентност кон граѓаните со јавниот приказ на постоечките ДУП-ови како и модул за спуштање на податоци за истите. Имено, секој заинтересиран граѓанин, инвеститори и геодетска компанија за изработка на елаборати, може преку ВЕБ ГИС интернет апликацијата да ја добие градежната парцела и објектот за градба во сразмерен CAD формат. Апликацијата овозможува автоматско известување на граѓаните преку е-маил за активностите на Општината во секторот за Урбанизам (промена на ДУП, е-аукција за градежно земјиште, јавна анкета, одобрение за градба, итн), и Комунално (санација на улица, нови тротоари, промена на улично осветлување, итн).

 Обуката успешно ја изведе претставник на компанијата Intelligent Network Solutions од Скопје, кој ги запозна вработените и со актуелните трендови во креирањето различните бази на податоци, кои значајно можат да го променат и подобрат работењето на Општината, и навремено да ги информираат граѓаните за активностите во урбанистичкиот сегмент.

 08.02.2019 

• Пред
• Следно