Во среда, 19.01.2011, од 13.00 до 15.00 часот на плоштадот на општина Гази Баба во населбата Автокоманда ќе се организира Манифестацијата ПИВТИЈАДА 2011, по повод големиот верски празник Богојавление – ВОДИЦИ.

Оваа манифестација е во организација на општина Гази Баба и Организацијата на жени од Гази Баба, а учество ќе земат сите урбани и месни заедници, како и рестораните кои се наоѓаат на територијата на Општината.

Оваа Мнифестација има хуманитарен и продажен карактер, а најдобро украсените пивтии ќе бидат и наградени.

Средствата собрани од продажбата на пивтиите ќе бидат наменети за хуманитарни цели.

Манифестацијата е од отворен карактер, а за секој посетител се обезбедени топли напитоци.