СЕ ИНФОРМИРААТ граѓаните и правните лица од територија на Општина Гази Баба дека рокот за поднесување на барања за легализација на дивоградбите е 03.09.2011 година.

АПЕЛИРАМЕ, граѓаните и правните лица да не го чекаат последниот рок за поднесување на документи, да поднесат барање за легализација, иако ги немаат обезбедено сите потребни документи. Доколку со барањето не се поднесат потребните документи, може дополнително да се достават во периодот на важење на овој закон од 6 години, по што постапката за легализација ке продолжи и при одлучувањето ќе се земат во предвид сите доставени документи.

Истовремено, се укажува дека законскиот рок нема да се продолжи и по истекот на истиот, односно по 3 септември не ќе може да се легализираат објектите за кои не се доставени барања за легализација и со нив ќе се постапува согласно законот.

Потсетуваме дека за легализација на диво изградени објекти потребни се 3 документи – уверение за државјанство или копија од лична карта, доказ за приклучок на комунална инфраструктура и геодетски елаборат.

Општина Гази Баба