До крајот на 2010 година, истекува мандатот на членовите на советите на Урбаните и Месните заедници на подрачјето на општина Гази Баба. Поради тоа, Градоначалникот Тони Трајковски, донесе Одлука за распишување на избори за членови на Советите на Урбаните и Месните заедници на подрачјето на општина Гази Баба.

Изборите ќе се спроведат во период од 1.12.2010 година до 20.12.2010 година.

Постапката за предлагање, утврдување и избор на членови на Советите на Урбаните и Месните заедници, ќе ја спроведат Советите во стариот состав на Собир на граѓани, согласно Правилата за работа на Урбаните и Месните заедници на подрачјето на Општина Гази Баба.

Мандатот на членовите на Советот на Урбаната и Месната заедница трае 4 години.